Qualesi
qui igas ica linguo marveloza
Simpleso
Nula diakritiko, akuzativo ne uzenda obligate, poka eceptaji. Pronunco esas koheranta. Onu povas lernar omna reguli di Ido en nur kelka hori. Imaginez!
Logikaleso
En Ido, la kerno di la vorti esas la radiki. Por precizigar la senco provizita da radiko, on uzas universala prefixi e sufixi, quale LEGO® briki!
Internacioneso
La radiki esas fondita sur la lingui Angla, Franca, Germana, Hispana, Italiana e Rusa. Rezultajo: linguo komprenebla da milioni de homi ye omna kontinenti!
Neutreso
Ido esas senpartisa. Vorti esas kustume nek maskula nek femina. Ka vu esas mikra? Sinistruzanta? Grand-eva? Ti ne esas “mala”!
Pro quo
vu devas lernar Ido
Pro ke lo esas facila e kontentiganta. Lernar Ido esas tante facila ke vu povos uzar olu preske nemediate. Fakte, lernar auxiliara linguo tala kam Ido bezonas nur tre mikra parto de la tempo necesa por lernar naturala linguo tala kam Angla.
Pro ke lernar linguo internaciona helpos vu lernar e komprenar altra lingui. Fakte, studiaji demonstris ke lernar auxiliara linguo tala kam Ido esas efikiva moyeno kom introdukto a stranjera lingui.
Pro ke komunikar kun personi de altra nacioni per Ido richigos vu. Lernar linguo stranjera incitas onu a livar sua kulturala zono ed ad explorar altra vidpunti. Vu pensos altre!
Pro ke lernar linguo stranjera amuzos vu. Lernar stranjera linguo esas quale voyajo: vu renkontros nova konocati e vu diskutos pri diversa temi! Forsan vu mem trovos nova amiko?
-
Richeso
“Etniala diverseso adjuntas richeso a socio.”
— Gary Locke -
Facileso
“Kind words can be short and easy to speak, but their echoes are truly endless.”
— Mother Theresa -
Efikiveso
“Efficiency is doing things right; effectiveness is doing the right things.”
— Peter Drucker -
Amuzo
“It's kind of fun to do the impossible.”
— Walt Disney
L'esquado
Ido esis fondita ye 1907 da grandioza eminenti. Yen kelki ek la pluri qui posibligis la linguo.
L. de Beaufront
L. Couturat
O. Jespersen
